Појасот Газа: Ексхумирани уште 51 тело од масовната гробница во Хан Јунис

ГАЗА (АА) – Палестинската цивилна одбрана ексхумираше уште најмалку 51 тело од масовната гробница во комплексот на болницата Насер во градот Хан Јунис во јужниот дел на Појасот Газа, јавува Анадолу.

„Идентификувани се околу 30 жртви, додека сѐ уште траат напорите за идентификување на останатите“, изјави за Анадолу Исмаил ал-Тавабта, генерален директор на Канцеларијата за медиуми на Владата во Газа.

Тој истакна дека најмалку 334 тела се есхумирани од масовната гробница во тој болнички комплекс

Телата се откриени откако израелската војска се повлече од Хан Јунис на 7 април по четиримесечна окупација.

Израел од 7 октомври минатата година врши брутални напади во Појасот Газа, во кои загинаа најмалку 34.200 Палестинци, главно жени и деца, а 77.200 се повредени.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.