Израелскиот министер Смотрич повика на „несразмерен напад“ врз Иран

ТЕЛ АВИВ (АА) – Израелскиот министер за финансии од крајната десница, Безалел Смотрич, повика на „несразмерен напад“ врз Иран, пренесува Анадолу.

Смотрич за израелското радио говореше за тензиите со Иран.

Тој порача дека официјален Тел Авив мора да возврати на минатонеделниот напад на Иран врз Израел.

Смотрич рече дека тоа треба да биде „насилен, остар и несразмерен одговор на претрпената штета“.

Додаде дека „одмаздата е неопходна за обликување на позицијата на Израел на Блискиот Исток“.

„Ова е јазикот што се зборува на Блискиот Исток“, нагласи Смотрич.

Иран во саботата го нападна Израел поради нападот на 1 април врз иранскиот Конзулат во Дамаск. Иранските сили истрелаа повеќе од 300 ракети и дронови, од кои повеќето беа соборени пред да стигнат до целта.

Израел вети дека ќе одговори на иранскиот напад.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.