Кандидатката на ВМРО-ДПМНЕ, Гордана Силјановска вечерва одржа митинг во Кочани. Претходно таа рече дека тезата едно општество за сите е целосно погрешна и нелогична. Сведоци сме дека имаме две општества и тие не живеат заедно, рече таа, затоа што лидерите на тие општества склучуваат договори врз основ на бизнис политика.
„Ви ветувам дека како што достојно сум се однесувала во образованието, како што сум ги почитувала студентите, сум им се посветувала, сум сочувствувала, сум ги учела и сум учела од нив, така ќе се однесувам и со политичката функција“, порача Силјановска. Според неа, Европа не се брани со рецитирање, туку се брани со промени. Промените значат правна, мирна, средена држава. Да имате држава со добра бирократија, државна и јавна администрација, одлично образование зашто тоа е најдобрата инвестиција, оцени Силјановска.
Извор: alsat.mk
