Макс Верстапен уште еднаш успеа на доминантен начин да ја мине прв целта, овој пат на Јапонското ГП во Сузука. Неговите ривали сезонава немаат многу надеж дека нешто ќе се промени.
Холандскиот возач водеше од првиот круг, првиот свиок и целосно заслужи да слави во Јапонија, трета година по ред.
Првиот човек на Мерцедес, Тото Волф, призна дека оваа сезона нема да има борба за титулата, туку дека борбата ќе биде само за „најдобрите од останатите“:
-Макс е незапирлив оваа година. Никој нема да го спречи. Начинот на кој вози, начинот на кој се грижи за гумите е фасцинантен. Годинава борбата ќе биде само за второто место, никој друг не размислува за титулата, изјави Волф.
Ова е трета победа за Верстапен во четири трки оваа сезона. Единствениот пат кога не славеше беше во Австралија, каде што не ја заврши трката поради проблеми со болидот.
Моментално е прв во генералниот поредок со 77 бодови, 13 повеќе од неговиот тимски колега, Серхио Перез.
Извор: kurir.mk
