Животите и бизнисите во Европската унија се испреплетени со активностите на дури 821 криминална групација кои се бават со секакви илегални бизниси, ги маскираат со легални компании а веќе се влезени во поткупување обвинители и судии, обелоденува агенцијата за криминал на ЕУ.
Станува збор за огромна, шарена и мултинационална армија во која Еуропол идентификувале 25.000 поединци од 112 националности.
86% од групите се вклучени во легалниот пазар и држат трговија со недвижнини, градежништво, камионски транспорт, хотели, туризам, ноќни клубови…
Босовите на бандите главно се онаму каде што тие оперираат но во 6% од случаите, главните живеат надвор од ЕУ, од Обединетите Арапски Емирати, преку Турција или Мароко, до Јужна Америка. И кога некои од нив ќе завршат зад решетки , организацијата успева да го одржи бизнисот.
Се занимаваат главно со трговија со дрога и оружје но и со измами, транспорт на мигранти, изнуда…
68% од мрежите редовно прибегнуваат кон насилни методи а 70% се вклучени во корумпирање надлежни лица за да им тече работата.
Кокаинот е најпопуларната роба но Еуропол е загрижена од сè поголемиот внес на синтетички стимуланси, наречени зомби дроги, кои направија партал по Америка.
Операциите најмногу се концентрирани во Белгија, Италија, Германија., Холандија и Шпанија.
Извештајот на Еуропол го имате овде.
ИЗВОР: off.net.mk
