Илјадници луѓе во Израел поставија стотици шатори пред зградата на парламентот во западен Ерусалим, барајќи оставка од владата на премиерот Бенјамин Нетанјаху, предвремени избори и враќање на израелските заложници од Газа, јавуваат медиумите.
По антивладините демонстрации во Израел, на кои во неделата вечерта(31 март) присуствуваа околу 100 000 луѓе, некои групи поставија стотици шатори пред израелскиот парламент.
Групи организатори на протестите кои бараат оставка од владата на Нетанјаху, предвремени избори и враќање на израелските заложници најавија дека ќе останат во шатори четири дена.
Илјадници луѓе присуствуваа на протестите одржани на десетици локации, вклучувајќи ги Тел Авив, Кајсарија, каде што се наоѓа личната резиденција на Нетанјаху и северниот град Кфар Саба.
Извор: alsat.mk
