Повеќе од 170 Палестинци се убиени во нападот на израелската војска на болницата Ал Шифа

АЛ КУДС (ЕРУСАЛИМ) – Повеќе од 170 Палестинци се убиени во нападот на израелската војска на болницата Ал Шифа во Појасот Газа, известува Анадолу.

Израелската војска објави дека продолжуваат „операциите“ на воените сили и Израелска служба за безбедност Шин Бет на подрачјето на болницата Ал Шифа.

Во рациите и нападите од 18 март досега врз болницата и нејзината околина, убиени се 170 Палестинци.

Израелската војска продолжува со нападите во регионот Ал Карара и во градот Хан Јунис во централниот и јужниот дел на Газа.

Израел прво во ноември минатата година упадна во болницата Ала Шифа, најголемата медицинска установа во тоа подрачје, во кое се наоѓаат илјадници пациенти и раселени лица, под изговор дека палестинската група Хамас објектот го користи како команден центар. Последниот напад на болницата започна во понеделникот.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.