Повеќе од 13.000 деца загинаа во Појасот Газа, УНИЦЕФ: „Никогаш никаде не сме виделе таква стапка на смртност“

УНИЦЕФ објави дека повеќе од 13.000 деца загинале во израелската офанзива во Појасот Газа и дека многумина страдаат од тешка неухранетост.

„Илјадници од нив се повредени и не можеме ни да утврдиме каде се. Тие би можеле да бидат под урнатините… Не сме ги виделе овие стапки на смртност кај децата во речиси ниту еден друг конфликт во светот“, извршната директорка на УНИЦЕФ Кетрин. Расел изјави за CBS News „Face the Nation“.

„Бев во одделенијата за деца кои страдаат од тешка анемија поради неухранетост, целото одделение е апсолутно тивко. Затоа што децата, новороденчињата… немаат сила ни да плачат“.

Расел рече дека има „многу големи бирократски предизвици“ за добивање помош за Појасот Газа со камиони.

Едно од трето дете на возраст под две години во северниот дел на Појасот Газа сега е акутно неухрането и изложено на ризик од глад, предупреди во саботата УНРВА, главната агенција на ОН во Појасот Газа.