Реисул Улема Х. Хфз. Шаќир Ефенди Фетаи денес испрати порака до исламските верници по повод претстојниот месец Рамазан.
„Во овој месец беше објавена Алаховата наредба: „Читајте, учете во името на вашиот Господар кој создаде сè“, императив што му даде вистинска насока на спознавањето на Сторителот и неговото творење. Но, најголемата вредност на овој месец е постот на неговите денови, со што ја почитуваме Алаховата заповед со исполнување на еден од основните столбови на исламот. Со ова, верникот во пракса го потврдува поврзаноста со својот Створител, ја подигнува свеста за доброто, мирот, солидарноста, грижата за човекот и ја реформира неговата личност, подготвувајќи го секогаш да биде во служба на доброто. Рамазанот и постот на неговите денови создава големо духовно задоволство за да бидеме што поблиску до милоста Божја, и ни дава можност да се обратиме кон Неговото Величество, со нашите најискрени молитви за опрост на нашите гревови и евентуални недостатоци, а истовремено во нас буди чувство на блискост, љубов, великодушност и меѓусебно помагање.“
Месецот Рамазан за муслиманските верници започнува утре.
Извор: 24vesti.mk
