Турските сили неутрализираа најмалку 11 терористи на ПКК во северен Ирак и Сирија

АНКАРА (АА) – Најмалку 11 припадници на терористичката организација ПКК се неутрализирани во антитерористичките операции што Турските вооружени сили ги спроведуваат во пограничните региони во северниот дел на Ирак и во Сирија, известува Анадолу.

Министерството за одбрана на Туркије соопшти дека 10 терористи на ПКК се неутрализирани во северен Ирак, а еден терорист на ПКК/ЈПГ во северна Сирија.

„Нема безбедно место за терористите“, објави турското министерство за одбрана на социјалните мрежи.

ПКК е сепаратистичка терористичка организација што се наоѓа на листата на терористички групи во Туркије, Европската унија и САД. Во текот на својата повеќедецениска терористичка кампања против Туркије, терористите на ПКК убија најмалку 40.000 луѓе.

Планинските региони Кандил, Газа, Метина, Авасин-Басјан, Хакурк, Џап и Хафтанин се наоѓаат во северен Ирак и претставуваат главни центри на терористичката организација ПКК. Во северна Сирија дејствува ЈПГ, кој е сириски огранок на ПКК.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.