Данскиот ракометар Микел Хансен повторно ќе замина на пауза од ракометот. Станува збор за повреда на препоните и уште не е познато колку долго ќе треба да отсуствува од ракометните терени.
Данскиот репрезентативец и еден од најдобрите светски играчи во изминатата деценија пред само две недели гостуваше во Битола и беше преплавен од приврзаници во нашата земја. Неговиот Алборг веќе обезбеди директен пласман во четвртфиналето на Лигата на шампионите, а до почетокот на плеј-офот во данскиот шампионат остануваат уште три кола од главниот дел, така да ова е идеален период за лекување на препони.
Минатата сезона Хансен го пропушти вториот дел од сезоната поради презаситеност од ракометот.
Извор: kurir.mk
