Четворица малолетници се повредени во сообраќајна незгода што се случила синоќа во тетовско, соопшти полицијата.
МВР наведува дека синоќа во 20.30 часот било пријавено дека на локалниот пат с.Долно Палчиште-Тетово патничко моторно возило „Пежо“ со тетовски регистарски ознаки, управувано од малолетник од с.Долно Палчиште, излетало надвор од патот и удрило во ѕид.
-Во несреќата со тешки телесни повреди се здобил возачот и малолетен сопатник, а со телесни повреди се здобиле уште двајца малолетни сопатници, констатирани во Клиничката болница Тетово, се наведува во соопштението.
Извршен бил увид од увидна екипа од СВР Тетово.
Извор: skopskoeho.mk
