Последен говор за состојбата на нацијата на Џо Бајден во овој претседателски мандат. И овој пат Украина главна тема во обраќањето на претседатело на САД, а на удар се најде и Доналд Трамп.
Говорејќи на заедничката седница на Претставничкиот дом и Сенатот, Бајден го започна своето обраќање со директно критикување на Трамп за неговиот повик до Путин да ги нападне земјите од НАТО кои не трошат доволно за одбрана. Предупреди дека демократијата е загрозена а доколку Украина не доибие помош, тогаш на удар на русија ќе се најдат и другите европски држави.
„Мојот претходник, поранешен републикански претседател, му вели на рускиот претседател Владимир Путин, Прави што сакаш. Мислам дека тоа е безобразно, опасно и неприфатливо. Никогаш нашата слобода и демократија не биле во таква опасност во нашата земја како што се денес. Можам да ве уверам дека Путин нема да запре на Украина. Но, Украина може да го запре Путин ако ја поддржиме и и го обезбедиме оружјето што и е потребно за да се одбрани.“ – рече Бајден.
Во обраќање пред двата дома на американскиот Конгрес, Бајден се осврна и на правата на абортусот, имигрантите и економијата, нешто што демократите го гледаат како главна можност за претседателот да добие поддршка за втор мандат.
Но не сите гледаат исто на пораките кои доаѓаат од САД. заменик-шефот на Советот за безбедност на Русија и поранешен претседател Дмитри Медведев пак предупредува дека ваквите пораки кои доаѓаат од сад, само го туркаат светот кон бездна од која тешко ќе може да се врати. Обраќањето на Трамп го нарече срам за државата.
„Американскиот претседател Џо Бајден не требаше да го спомнува неговиот претходник Френклин Делано Рузвелт бидејќи тој, за разлика од Рузвелт, само ги срами САД. За разлика од Рузвелт, Бајден е луд, ментално нарушена личност, која е решена да го одвлече човештвото во пеколот. Покрај тоа, Рузвелт се бореше за мир со сојузниците, вклучително и СССР, а Бајден активно и упорно се обидува да почне трета светска војна.“ – изјави Дмитри Медведев заменик-шеф на Советот за безбедност на Русија.
И од руската армија предупредуваат дека од ден на ден ситуацијата станува се поопасна и дека конфликтот во Украина може да прерасне во војна во Европа. Според генералот Владимир Зарудинцки, веројатноста руските сили да бидат вклучени во нов конфликт значително се зголемени во изминативе месеци.
Извор: 24vesti.mk
