Украина тврди дека уништила руски патролен брод во близина на теснецот Керч

КИЕВ (АА) – Украинската воена разузнавачка служба денес соопшти дека уништила руски патролен брод во близина на теснецот Керч, што се наоѓа меѓу Русија и полуостровот Крим, кој Москва нелегално го анектираше во 2014 година, пренесува Анадолу.

Украинската воена разузнавачка служба на социјалната мрежа Телеграм наведе дека во текот на ноќта извршила напад на патролниот брод „Сергеј Котов“, кој наводно ѝ припаѓал на руската Црноморска флота.

Во соопштението се наведува дека во нападот со поморски дронови оштетена е крмата на бродот, како и неговата лева и десна страна.

„Мисијата е спроведена во соработка со Поморските сили на Вооружените сили на Украина и со поддршка на Министерството за дигитална трансформација на Украина“, се вели во соопштението.

Украинската страна соопшти дека со уништувањето на бродот предизвикана е штета од околу 65 милиони долари.

Руските власти сѐ уште не ги коментираа овие тврдења.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.