Долгометражниот документарен филм на режисерката Тамара Котевска „Патување пеш“ (The Walk) на 12 март ќе има европска премиера во конкуренцијата за награди на најголемиот фестивал за човекови права ФИФДХ (FIFDH) во Женева, Швајцарија, каде ќе има 2 проекции, соопшти продукцијата „Охо“.

„Патување пеш“, вториот документарен филм на Котевска, ја имаше светската премиера лани на 9 ноември на Њујоршкиот фестивал на документарни филмови (Doc NYC), најголемиот американски фестивал за документарци. Претходниот филм на Котевска, „Медена земја“, што го режираше со Љубомир Стефанов, доби историски две номинации за Оскар, за најдобар документерец и за најдобар странски филм.

По проекциите во Женева, филмот ќе има пет проекции на еден од најголемите фестивали за документарен филм од А категорија во Европа Си-Пи-Ејч Докс (CPH DOX) во Копенхаген, Данска.

Од продукцијата додаваат дека реномираната компанија „Тугедер филм“ (Together Films), со седишта во Лондон и Њујорк и значајно искуство во светска дистрибуција на филмови, ги обезбеди правата на „Патување пеш“ и ќе го дистрибуира низ светот.
Минатата недела филмот беше претставен за продажба на овогодинешниот филмски маркет во Берлин, а во следниот период ќе биде дел од маркетите на фестивалот во Копенхаген и Ес-Екс-Ес-Даблју (SXSW) во САД.

Филмот го следи патувањето на Амал, џиновска кукла висока 3,5 метри која претставува дете-бегалче од Сирија, која го обиколила светот подигнувајќи ја свеста за бегалците. Филмот се снимаше две години во повеќе од 10 земји, како Сирија, Велика Британија и Јужна Африка. Патувањето на Амал, кој го бара своето семејство, завршува на Пикадили во Лондон, објасни Котевска. Куклата поминува пеш 9.600 километри и посетува 97 градови во 14 земји.

Котевска лани на 1 септември говореше на гала настанот „Светла! Камера! Влијание!“ (Lights Camera Impact) на 80. Венециски филмски фестивал, при што го претстави и својот нов документарец. Главен продуцент на филмот е британската филмска компанија „Греин медија“, македонски копродуцент е „ОХО продукција“, а доби поддршка и од македонската Агенција за филм.

МОНТИРАВМЕ ВО КОМБЕ, ДОДЕКА ВО ТУРЦИЈА ИМАШЕ ПОЖАР, КАЖА РЕЖИСЕРКАТА ТАМАРА КОТЕВСКА ЗА ДОКУМЕНТАРЕЦОТ „ПАТУВАЊЕ ПЕШ“

Б. НЕСТОРОСКА

ЧИТАЊЕТО Е БЕСПЛАТНО.

АМА НОВИНАРСТВОТО НЕ Е.

Поддржете го слободното, независно, професионално новинарство. Новинарство со интегритет.

ДОНИРАЈ

ИЗВОР: sdk.mk

Latest from Blog

ПРВИ РЕЗУЛТАТИ ОД ИСТРАГАТА: Ова е најверојатната причина за сообраќајката во која загинаа Жота и Силва

Првите резултати од истрагата за сообраќајната несреќа во која напаѓачот на Ливерпул, Диого Жота, и неговиот брат Андре Силва ги загубија животите минатата недела во Шпанија укажуваат на „голема брзина“ со која

Сирија бара помош од ЕУ за справување со пожарите во Латакија

ДАМАСК (АА) – Дамаск побара поддршка од Европската Унија за помош во контролирањето на шумските пожари што беснеат во руралниот дел на Латакија во северозападна Сирија, изјави денес сирискиот министер за вонредни

Алиу – Срцева: На Клиниката за ТОАРИЛУЦ се реализирани или во фаза на реализација над 23 проекти и иницијативи за една година

Министерот за здравство, Азир Алиу денеска ја посети Клиниката за ТОАРИЛУЦ, во рамки на која е во напредна фаза темелна реконструкција на КАРИЛ. -Оваа реконструкција е согласно најсовремените европски и светски стандарди,

Сиљановска Давкова разочарана од Брисел

Европскиот парламент се подготвува идната недела да изгласа амандман со кој од годишниот извештај за напредокот на Северна Македонија се бришат сите директни споменици на „македонски јазик“ и „македонски идентитет“. Договорот –

Во Словенија на 8-ми јули падна снег!

По минувањето на студениот фронт, температурите во Словенија паднаа доволно ниско за највисоките врвови во земјата да добијат јулски снежен покривач. Снежната граница се спушти на околу 2.200 метри надморска височина, соопшти

ЕВРОПСКА ПРЕМИЕРА ВО ЖЕНЕВА НА ДОКУМЕНТАРЕЦОТ „ПАТУВАЊЕ ПЕШ“ НА ТАМАРА КОТЕВСКА, ИМА И СВЕТСКИ ДИСТРИБУТЕР