Некои основци сè уште се колебаат да го посетат училишниот психолог и покрај грижите и проблемите што ги имаат. Бесиме Камбери, психолог во ОУ „Бајрам Шабани“ во село Кондово, општина Сарај за Алсат вели дека посетата на училишниот психолог продолжува да се третира како срам, додека како што вели, само учениците кои прават проблеми треба да го направат тоа. Таа додава дека учениците самоиницијативно треба да бараат помош од психолог за полесно да ги надминуваат проблемите.
„Сè уште мислат дека ако одиш на психолог, нешто не е во ред, има некакво нарушување, емотивно или некој семеен проблем. Но, има и такви кои велат дека одам на психолог затоа што само сакам да разговарам, да добијам совет. Во последно време забележувам дека многу од учениците имаат желба да се покажат, да бидат подоминантни кон другите ученици, малку се поагресивни. Ако види слаба точка кај соученикот,напаѓа токму таму. Им предложив на сите родители да поминуваат што е можно повеќе време со своите деца и да разговараат што е можно повеќе, а потоа да дојдат на ред нивните желби“, рече Бесиме Камбери, училишен психолог.
Додека дел од учениците ја отфрлаат можноста да посетат психолог, останатите рекоа дека без двоумење би побарале помош и совет, доколку се укаже потреба.
„Психологот ни го кажува најдоброро. доколку имаме некаков проблем или нешто, тоа го поделуваме со психологот“,рече една ученичка.
„Треба да се посети психологот затоа што таму можеме да ги кажеме нашите проблеми, како се чувствуваме, дали некој врши булинг врз нас. Кога го споделувате вашиот проблем, чувствувате олеснување“, додаде друга ученичка.
Според Министерството за образование и наука, во земјава има вкупно 365 основни училишта, од кои некои работат без психолози и друг неопходен кадар./Алсат.мк
Мелихате Рустеми
Извор: alsat.mk
