Владимир Путин изјави дека повеќе би сакал Џо Бајден да победи на годинашните претседателски избори во САД отколку Доналд Трамп. Тој го опиша Бајден како поискусна и попредвидлива личност.
Пред да победи на изборите во 2016, Путин кажа за Трамп дека е неверојатен и талентиран.
Во интервју на руска државна телевизија, Путин изјави дека претседателството на Бајден би било подобро за Русија затоа што тој е политичар од стар ков. Тој ги отфрли прашањата за возраста и менталното здравје на Бајден и додаде дека не забележал ништо чудно кај него кога последен пат се сретнаа во 2021.
Тој нагласи дека Русија ќе соработува со секого кој ќе ја добие довербата на американскиот народ и ќе биде претседател. Во исто време, Путин го опиша однесувањето на Бајден кон војната во Украина како крајно штетно и погрешно.
Русија во минатото се обвинуваше дека се мешала во претседателските избори во САД и дека му помогнала на Трамп да победи во 2016.
Извор: alsat.mk
