Тренерот на Наполи, Лучијано Спалети се осврна на победата над Рома (2:1) синоќа во 20. коло од Серија А.
– Можете да ги добиете овие натпревари само ако покажете волја за победа почнувајќи од играчите па се до стручниот штаб и оние кои се на клупата. Ваквите натпревари се тешки, но оние кои влегоа како замена докажаа дека уште на клупата веќе беа во игра. И ова е главниот квалитет на нашиот тим. Ако за време на толку долги, интензивни сезони, во секојдневната работа, не се сите на иста бранова должина со соиграчите и повеќе би сакале да го заземат местото на соиграчот, наместо да играат рамо до рамо со него, тогаш нема да постигнете резултат, рече Спалети.
Наполи е убедлив лидер во Серија А со 53 бода, 14 повеќе од второпласираниот Интер.
Во следното коло, на 5 февруари Наполи гостува кај Специја.
ИЗВОР: kurir.mk
