Околу еден милион граѓани сè уште немаат пасоши со новото име на државата. Граѓаните се жалат на нефункционални линии за закажување термини, а оние коишто веќе се пријавиле велат дека потоа следува долго чекање за добивање на документите се кои аплицирале бидејќи нема примероци. Во меѓувреме, сите наши државјани кои моментално се во странство за влез во Македонија мора да вадат патни исправи од нашите дипломатските претставништва задолжени за земјата каде што се наоѓаат. Овој документ чини 30 евра и важи само 30 дена.
Замената на пасошите предизвика револт кај граѓаните. Долги чекања и хаос пред шалтерите на МВР.
„Дали ги сменивте документите? Не, премногу е хаос“, рече еден граѓанин.
„Како го коментирате овој хаос за промена на документите? Ужас, треба да изгубиш една недела, јас сум тука секој ден и не те фермаат, не те ни гледаат. Телефонот не работи? Не, јавувај се колку сакаш. Зошто сте тука денеска? За термин во 11 часот. Кога ќе дојдат луѓе што ги познаваат, ги земаат побрзо, а ние чекаме“, рече еден граѓанин.
Од 13 февруари личните карти со старото државно име ќе важат само за домашна употреба. Издавањето на документи со новото име започна две години подоцна откако Договорот од Преспа стапи во сила, односно дури од јули 2021 година./Алсат.мк
Авни Тахири
Извор: alsat.mk
