Grupacioni u bë brendi më i vlefshëm telekomunikues në botë dhe mbetet brendi më i vlefshëm korporativ në Evropë.
Siç konfirmoi studimi „Brand Finance Global 500“ i publikuar sot, Dojçe Telekom është një ndër brendet më të vlefshme në botë. Ekspertët e radhitën Grupacionin si kompania e vetme evropiane në dhjetë të parat. Si rezultat i kësaj, Dojçe Telekom u avancua për dy pozita në krahasim me vitin e kaluar dhe tani ndodhet në pozitën e nëntë. Dojçe Telekom u bë gjithashtu brendi më i vlefshëm telekomunikues në botë për herë të parë, duke mposhtur Verizon dhe AT&T në betejën për vendin e parë. Në Evropë, T mbetet brendi numër një i korporatës. Brendi më i vlefshëm në botë është Apple, që përfundoi përpara Microsoft, Google dhe Amazon. Instituti britanik për hulumtimin e tregut Brand Finance e publikoi sot studimin ndërkombëtar si pjesë e Forumit Ekonomik Botëror në Davos.
Suksesi i Dojçe Telekomit bazohet në vlerën momentale të brendit, më e larta në historinë e kompanisë. Sipas studimit, ajo arrin në 73,3 miliardë dollarë amerikanë. Rritja krahasuar me një vit më parë (62.9 miliardë dollarë) është 17 për qind. Vlera e brendit është rritur për 84 për qind që nga viti 2020. Gjatë kësaj periudhe, Dojçe Telekom u hodh nga vendi i katërt për t’u bërë brendi më i fortë telekomunikues në botë.
“Arritëm të bëhemi një nga 10 brendet më të forta globale. Ky është një sukses i jashtëzakonshëm për kompaninë tonë”, thotë drejtori kryesor për brend i Dojçe Telekomit, Ulrih Klenke. Strategjia jonë globale e brendit po funksionon vërtet mirë dhe investimet tona në ndërtimin e një brendi të fortë po japin rezultat. Kjo shkon paralelisht me sukseset tona ekonomike dhe teknologjike në Gjermani, Evropë dhe Shtetet e Bashkuara të Amerikës dhe luan një rol në themelimin e Dojçe Telekomit si një operator kryesor digjital i telekomunikacionit”.
Kënaqësia e abonuesve e bën brendin akoma më të fortë
Këtë rritje të dukshme të vlefshmërisë së brendit Dojçe Telekom, kompania britanike konsulente Brend Finance e përshkruan në më shumë aspekte siç janë zhvillimi pozitiv ekonomik dhe teknologjik. Grupacioni vazhdon të arrijë rezultate përmes investimeve të qëndrueshme në cilësinë e rrjetit, teknologjitë digjitale dhe shërbimet e abonuesve.
Sipas Brand Finance, cilësia e shkëlqyer e rrjetit të Dojçe Telekom luan një rol vendimtar kur bëhet fjalë për rritjen dhe mbajtjen e abonuesve – si në Evropë ashtu edhe në Shtetet e Bashkuara të Amerikës. Sipas ekspertëve, përmirësime të rëndësishme në treguesit kryesorë të brendit si: inovacionet, shërbimet abonuese, fokusi ndaj abonuesit, përfitimi i shërbimit dhe rekomandimet luajnë një rol kyç në rritjen e fuqisë së markës. Vlerësimi i markës u rrit nga 79 në 83 nga 100 pikë, që do të thotë se është përmirësuar nga AA+ në AAA-. Prezenca e vazhdueshme globale e brendit i ka mundësuar Dojçe Telekomit ta forcojë më tej imazhin e saj si një lojtar global. Këta faktorë dhe niveli i lartë i kënaqësisë së abonuesit e kanë bërë brendin edhe më të fortë.
Brand Finance me bazë në Londër është kompani konsulence globale dhe e pavarur për vlerësimin dhe analizimin e brendeve. Instituti përpilon renditjen e 500 brendeve më të vlefshme në botë sipas vlerës së brendit në dollarë amerikanë. Vlerat e brendit përllogariten në bazë të kompensimeve të licencës që një kompani e caktuar do të duhej të paguante nëse nuk e posedon brendi.
Strategji e suksesshme globale për brend
Trendi pozitiv i brendit të Dojçe Telekomit konfirmohet edhe nga hulumtime të tjera, si studimi Kantar BrandZ “Brendet më të vlefshme në botë”. Këto rezultate konfirmojnë suksesin e strategjisë globale të brendit. Slogani i ri “Connecting your world” është elementi më i fundit me të cilin Dojçe Telekom e përafron vazhdimisht strategjinë e tij globale për brendin T.
Më shumë për raportin „Brand Finance Global 500“ në www.brandfinance.com.
Film për brendin “T – Connecting your world”: https://youtu.be/uzbr9aF7BHM
Dojçe Telekom SHA
Е-mail: [email protected]
Për Dojçe Telekomin: https://www.telekom.com/en/company/company-profile
