На палестинска мајка за два дена убиени двајца синови во израелските напади врз Газа

ГАЗА (АА) – Палестинката Ум Мухамед доживува огромна болка поради губењето на двата сина за два дена во израелските напади врз Појасот Газа, јавува Анадолу.

Срцепарателно е збогувањето на мајката со 18-годишниот Хамза, кој е убиен од израелските сили во нападот на бегалскиот камп Бурајџ, во централните делови на блокираниот Појас Газа.

Ум Мухамед, гушкајќи го телото на својот син во болницата Акса, рече: „Мојот син вчера ми кажа дека му е ладно. Не очекував дека денес ќе биде убиен. Да знаев, ќе му најдев ќебе.“

Ожалостената мајка, обидувајќи се да го стопли телото на својот син Хамза, зборуваше: „Дали ти е ладно, синко“.

Ум Мухамед за два дена остана без своите двајца синови.

„Вчера со свои раце го погребав твојот брат Мухамед, а денес ќе те закопам и тебе. Живеев за вас“, рече оваа палестинска мајка.

Преживеал само нејзиниот син Ибрахим, а сега стравува дека и тој ќе биде убиен во израелските напади.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.