БИШКЕК (АА) – Еден војник загина, а 8 се повредени при пад на воен хеликоптер од типот Ми-8 за време на тренажен лет во Бишкек, главниот град на Киргистан, пренесува Анадолу.
Киргистанското Министерство за одбрана објави дека воениот хеликоптер, кој изведувал тренажен лет на полигонот на Министерството за одбрана, се урнал при слетување.
Во соопштението се наведува дека во несреќата животот го загубил еден војник, а 8 лица се повредени.
Меѓу повредените едно лице е во тешка здравствена состојба. Во тек е истрага за несреќата.
Извор: Anadolu Agency (AA)
