Во годината во која ги исполнивме желбите и заложбите за поубава, почиста и позелена општина, празничната атмосфера ја надополнуваме со „Новогодишната бајка“, која од 25-27 декември се одржува во паркот „Авион“. На мое задоволство, новогодишната магија во Аеродром е збогатена со традиционален и празничен настан посветен на виното, храната и водата, порача денеска првиот човек на општина Аеродром Тимчо Муцунски.
Вели дека, на ваков начин внесуваат ведрина и среќа во секојдневното живеење, инспирираат и поттикнуваат радост во Аеродром.
„Новогодишна бајка“ се организира со поддршка на Министерството за земјоделство, шумарство и водостопанство и Град Скопје.
Во рамки на тридневната програма, дечињата се забавуваат со жонглери, маскоти и Дедо Мраз, а како и со домашните музички изведувачи.
– Пред нас е година на многу капитални и инфраструктурни проекти. Додека ги одбројуваме последните денови од 2023 година, ве поканувам да уживаме во „Новогодишната Бајка“, и во празничното украсување во Аеродром, порача Муцунски.
Вечерва на програмата се:
18:00 Тамара Волчевска
19:20 Таско
21:30 Тони Зен
За најмалите од 18:00 часот ќе бидат достапни за забава и анимација: Дедо Мраз, Мики и Мини Маус, Paw Patrol, Eлса и Мињони.
ИЗВОР: skopjeinfo.mk
