АНКАРА (АА) – Припадниците на Националната разузнавачка служба на Туркије (МИТ) ја неутрализираа во северниот дел на Ирак, Зејнеп Ејвери, една од т.н. раководителки на терористичката организација ПКК/КЏК-ХПЖ, пренесува Анадолу.
Таа го користела кодното име „Ариен Ар“, изјавија денес безбедносни извори. Се наоѓала во руралниот регион Пенџавин во ирачкиот град Сулејманија.
Таа беше одговорна за акциите на женските терористи покрај границата меѓу Иран и Ирак.
Терористката, која планирала напад на воените бази во северен Ирак, била неутрализирана пред да може да го изврши нападот.
Туркије започна серија операции против ПКК во северен Ирак од 2020 година, а последната операција „Канџа-Катанец“ беше започната во април минатата година, насочена кон засолништата на терористите на ПКК во северните ирачки области, особено во областите Метина, Зап и Авасин-Басјан.
Претходно, беа започнати операциите на Туркије „Канџа-тигар“ и „Канџа-орел“ во 2020 година за да се обезбеди безбедноста на турскиот народ и границите преку неутрализирање на заканата од ПКК и другите терористички организации кои го користат северот на Ирак за да планираат вкрстени гранични напади.
ПКК е сепаратистичка организација која е наведена како терористичка група во Туркије, Европската Унија и Соединетите Американски Држави (САД). За време на повеќедецениската терористичка кампања против Туркије, терористите на ПКК убија најмалку 40.000 луѓе.
