Џамбаски му се закани на претседателот Пендаровски со АТЕНТАТ и најави дека ќе дојде на 4-ти февруари во Скопје

January 25, 2023
1 min read

Бугарскиот радикал од ВМРО-БНД и европратеник Ангел Џамбаски му порача на претседателот Стево Пендаровски дека и во минатото имало обиди на лидери на ВМРО да им се забрани влез во Македонија и му порача дека последниот таков пример бил со југословенскиот крал Александар Караѓорѓевиќ! Џамбаски најави дека на 4 февруари ќе дојде во Скопје. Прашан дали се препознава во описот на Пендаровски кој побара Владата да донесе одлука за забрана на влез на еден бугарски европратеник, Џамбаски одговори дека во тој опис го препознава секој Бугарин кој ги застапува правата и интересите на Бугарите во Македонија, пренесе Слободен печат.

-Што претставува за нас една таква забрана? Да му порачам на Стево Пендаровски, наречен Стево Коминтерната и дека во минатото и други се обидувале да им забранат влез на лидери на ВМРО во Македонија, а последниот таков пример е со југословенскиот, со српскиот крал Александар Караѓорѓевиќ. Ако се обидат да ми забранат влез во Македонија нека погледнат во историјата и нека учат од неа – рече Џамбаски синоќа во разговор за бугарската телевизија Нова.

На прашањето дали планирал да дојде во Скопје на 4 февруари заедно со поголема група луѓе да ја одбележат 151-годишнината од раѓањето на Гоце Делчев Џамбаски потврди.

-Не мислев да одам во Македонија, имав други планови. Но сега, како да одбијам ваква љубезна покана – рече тој.

Владата вчера не донесе одлука за забрана на влез на бугарски државјани, иако завчера по седницата на Советот за безбедност претседателот Стево Пендаровски рече дека ќе даде таков предлог до извршната власт, согласно Законот за странци. Министерот за внатрешни работи Оливер Спасовски, пак, денеска на новинарско прашање не беше прерцизен што ќе се случи ако Џамбаски се појави на граница на 4 февруари и одговори дека полицијата ќе одлучи за тоа на 4 февруари.

Кралот Караѓорѓевиќ е убиен е во атентат во Марсеј, од страна на Владо Черноземски, по наредба на ВМРО на 9 октомври 1934 година.

ИЗВОР: kurir.mk

MARKETING

MARKETING

Претходно

Најмалку 157 Авганистанци починаа од студ

Следно

Шоле го повика Курти да го прифати европскиот предлог

Latest from Blog

Разнобојниот жив свет во аквариумите вистинска визуелна „гозба“ за посетителите

СКОПЈЕ (АА) – Разнобојниот жив свет во аквариумите отсекогаш го привлекувал вниманието на посетителите поради можноста да се „нурнат“ во богатиот екосистем на длабоките мориња и океани. Фоторепортерот на Агенција Анадолу го

КФМ: Продолжуваат натпреварувањата во сите кошаркарски лиги

Кошаркарската федерација на Македонија ја информира јавноста дека во текот на оваа седмица ќе бидат подмирени долговите кон судиите кои протестираа во изминатиот период, што доведе до прекин на натпреварувањата во машка

Снимка со дрон од расцветаните лалиња во Холандија

СКОПЈЕ (АА) – Снимка со дрон ги прикажа расцветаните лалиња во една од најголемите цветни градини во светот, „Којкенхоф“, позната и како „Градината на Европа“, во холандскиот град Лисе, јавува Анадолу. Градината

Дебата за ЕУ и реформите – Милошоски: Треба да бидеме основано критични кон извршната власт

Европската Унија е единствена алтернатива, порача спикерот Африм Гаши на дебата посветена на реформската агенда. Тој најави дека ќе се посвети на преземените обврски и законите кои ќе пристигнат во Собранието, но

АЕК почна постапка за јавна расправа за спроведување тендер за трет мобилен оператор

Агенцијата за електронски комуникации (АЕК) објави намера за спроведување постапка на јавен тендер со јавно наддавање за нов мрежен оператор во државава, а на барање на „Оне Македонија телекомуникации“, фирмата што унгарската
Go toTop