РАМАЛА (АА) – Најмалку 60 Палестинци се приведени од израелските сили во новите воени напади низ окупираниот Западен Брег, според локалната невладина организација, пренесува Анадолу.
Здружението на палестински затвореници соопшти дека меѓу приведени има 30 Палестинци, кои беа притворени во Џенин на северниот дел на Западниот Брег.
„Приведувањата беа обележани со малтретирање, тешки тепања и закани кон затворениците и нивните семејства, заедно со акти на саботажа и уништување во домовите на граѓаните“, се додава во соопштението на невладината организација.
Тензиите се зголемени низ Западниот Брег поради израелската воена офанзива на Појасот Газа по прекуграничниот напад на Хамас на 7 октомври.
Според палестинските податоци, оттогаш израелската армија убила 263 Палестинци и привела повеќе од 3.640 Палестинци на Западниот Брег.
Бројките објавени од групите за прашања на затворениците покажуваат дека најмалку 7.800 Палестинци моментно се наоѓаат во израелските затвори.
