ВАШИНГТОН (АА) – Земјотрес со јачина од 6,4 степени според Рихтеровата скала е регистриран во близина на американската сојузна држава Алјаска, пренесува Анадолу.
Геолошкиот институт на САД (USGS) соопшти дека земјотресот е регистриран на 65 километри северозападно од градот Адак во сојузната држава Алјаска.
Немаше предупредување за цунами по земјотресот што се случи на длабочина од 187 километри.
Според првичните податоци, нема човечки жртви или материјална штета.
