АНКАРА (АА) – Со преброени 88 отсто од гласовите, опозициската Национална партија на Нов Зеланд обезбеди значително водство пред владејачката Лабуристичка партија на парламентарните избори, јавува Анадолу.
Според Изборната комисија на Нов Зеланд, досега Националната партија има обезбедено 50 места во 121-члениот Парламент, а по неа се Лабуристите со освоени 34 места.
Досега, Зелената партија има освоено 13 места, АКТ Нов Зеланд 12, Првата партија на Нов Зеланд осум, а партијата за правата на домородните заедници Те Пати Маори четири пратенички места.
Пред само неколку дена во Парламентот беше додадено уште едно пратеничко место од неговите вообичаени 120 места, по неочекуваната смрт на еден од кандидатите. Со дополнителни избори ќе се избере 121-от пратеник во Парламентот.
