ИСТАНБУЛ (АА) – Билансот на загинати во израелските напади извршени од 7 октомври досега во Појасот Газа се зголеми на 1.203, пренесува Анадолу.
Во писменото соопштение на палестинското Министерство за здравство се споделени информации околу бројот на жртви и повредени во ова подрачје.
Според соопштението, во нападите што Израел ги врши од 7 октомври до денес во Газа загинале 1.203 лица, додека повредени се 5.763 лица.
Портпаролот на Министерството за здравство во Газа, Ешреф ал-Кудра, преку фејсбук-страницата на Министерството соопшти дека болниците работат со полн капацитет.
„Повредените и болните лежат на земја поради зголемените израелски напади“, истакна Ал-Кудра.
Тој рече дека продолжувањето со прекинот на електричната енергија, водата и горивото од страна на Израел, претставува закана за животот на повредените и болните, и предизвикува страшна здравствена катастрофа.
