АНКАРА (АА) – Бројот на Палестинци кои загинаа во нападите на израелските сили во Газа се искачи на 493, соопшти Министерството за здравство со седиште во Газа, пренесува Анадолу.
Се наведува дека бројот на повредени лица се искачил на 2.751.
Министерството за внатрешни работи во Газа соопшти дека израелската армија ја „интензивирала својата агресија“ врз Газа со стотици напади.
Министерството потврди дека израелски цели во Газа биле станбени згради и јавни објекти, меѓу кои и џамии.
Израелската армија, од своја страна, потврди дека погодила над 500 цели во нападите врз Газа во текот на ноќта, за кои тврдеа дека биле позиции на групите Хамас и Исламски џихад.
Групата на отпорот Хамас во саботата утрото ја започна операцијата „Поплава Акса“ против Израел, истрелувајќи бараж ракети. Се наведува дека ненадејниот напад е одговор на упадот во џамијата „Ал Акса“ во окупираниот Источен Кудс (Ерусалим) и зголеменото насилство од доселениците.
Како одмазда, израелската армија ја започна операцијата „Железни мечеви“ против Хамас во Појасот Газа.
Според израелското Министерство за здравство, во борбите загинале најмалку 700 Израелци, а над 2.300 се ранети.
