БЕЈРУТ (АА) – Привремените мировни сили на ОН во Либан (УНИФИЛ) ги повикаа денес спротивставените страни на воздржаност со цел да се спречи ескалацијата на тензиите на израелско-либанската граница, известува Анадолу.
„Ги повикуваме сите да бидат воздржани и да ги искористат механизмите за врски и координација на УНИФИЛ за деескалација со цел да се спречи брзото влошување на безбедносната ситуација“, соопштија силите на ОН.
УНИФИЛ наведе дека се во контакт со властите од двете страни на сите нивоа, со цел „да се смири ситуацијата и да се избегна посериозна ескалација.“
„Нашите мировници остануваат на своите позиции и на задача. Продолжуваат со работа, некои од засолништа, поради нивната безбедност“, се додава во соопштението.
Израелската војска денес го потврди својот артилериски напад на Либан како одговор на ракетниот инцидент од спротивната страна.
„Гаѓавме три израелски локации во окупираните подрачја на фармата Шеба“, соопшти либанскиот Хезболах денес.
Либанаските власти не го коментираа инцидентот.
Бригадата Изедин Касам, военото крило на Хамас, во саботата наутро објави дека ја започнала операцијата „Aqsa Flood“ против Израел и извршила ракетни напади врз Израел од блокираниот Појас Газа, а нивните вооружени групи влегле во населбите во регионот.
Израелската војска потоа објави дека извршила напад врз Појасот Газа со десетици борбени авиони.
