Од Град Скопје велат дека изборот на Арсовска е уште една потврда од светот за нејзините и заложбите на градската администрација и признание за Градот во меѓународни рамки за посветеноста и иновативноста, со што се етаблира како лидер во доброто управување во локалната самоуправа. Сепак, со ова, се чини, не се согласуваат сите во Градот Скопје, особено не претседателот на Советот на Градот, Трајко Славески, кој во објава на социјалната мрежа „X“ (претходно Твитер) искоментира: „Тој што не ја знае, скапо ја плаќа“
Градоначалничката на Скопје, Данела Арсовска, е избрана за претседател на Форумот на градоначалници што се одржа во Обединетите нации во Женева, Швајцарија, соопштија денеска од Град Скопје.
За потпретседатели на Арсовска се избрани градоначалникот на Брага во Португалија, Рикардо Рио, и градоначалничката Сузан Аткин на шкотскиот град Глазгов, Велика Британија.
„Годинава за првпат како официјално тело во рамки на Обединетите нации, исклучителна чест претставува фактот што Арсовска беше избрана како претседател и ја доби довербата преку директно гласање на Форумот во кој учествува по еден градоначалник од секоја држава од Паневропскиот регион, Северна Америка, Африка, Азија, Латинска Америка и Блискиот Исток“,
се наведува во соопштението на Град Скопје.
Од Град Скопје велат дека изборот на Арсовска е уште една потврда од светот за нејзините и заложбите на градската администрација и признание за Градот во меѓународни рамки за посветеноста и иновативноста, со што се етаблира како лидер во доброто управување во локалната самоуправа.
Сепак, со ова, се чини, не се согласуваат сите во Градот Скопје, особено не претседателот на Советот на Градот, Трајко Славески.
Тој во објава на својот профил на социјалната мрежа „X“ (претходно Твитер) иронично го искоментира изборот на Арсовска за претседател на Форумот на градоначалници на ОН.
„Тој што не ја знае, скапо ја плаќа!“,
напиша Славески на социјалната мрежа со линк до вест за градоначалничката Арсовска.
Тој што не ја знае, скапо ја плаќа!https://t.co/CJYfRGHJde
— Trajko Slaveski (@TSlaveski) October 4, 2023
Инаку, скопската градоначалничка, како што информираат од Грда Скопје, со својот тим ќе учествува директно во формирање на програмата на Комитетот за урбан развој, домување и управување со земјиштето на Обединетите нации и преку усвојување декларации ќе учествуваат во креирањето на меѓународните политики за локалните власти.
„По изборот на Град Скопје за Европскa престолнина на културата 2028 ова претставува уште еден огромен успех на меѓународна сцена за градот. Како на домашен така и на меѓународен план Град Скопје продолжува да работи на остварување на заложбите и програмските определби за оставарување на проектите кои се дел од програмата ‘За модерно Скопје’,
велат од Градот.
Во врска со коментарот на Славески, антагонизмот меѓу него и градоначалничката на Скопје почна пред една година кога Арсовска смени неколкумина директори на локални претпријатија од редовите на ВМРО-ДПМНЕ и изнесе обвинувања на сметка на лидерот на партијата, Христијан Мицкоски.
Инаку, Арсовска победи на локалните избори во 2021 година и стана градоначалник на Скопје токму како кандидат на ВМРО-ДПМНЕ.
ИЗВОР: 360stepeni.mk
