ИСТАНБУЛ (АА) – Европската Унија (ЕУ) ѝ вети на Етиопија финансиска поддршка од 680 милиони долари со цел да се користат за различни области, како што се развој и обезбедување мир, пренесува Анадолу.
Еврокомесарката за меѓународно партнерство, Јута Урпилајнен, и министерот за финансии на Етиопија, Ахмед Шиде, ја потпишаа програмата за повеќегодишна финансиска поддршка во рамки на церемонијата одржана во етиопскиот главен град Адис Абаба.
Урпилајнен нагласи дека програмата за поддршка вредна 680 милиони долари е показател на поддршката што ЕУ ѝ ја дава на Етиопија со цел оваа земја да излезе од конфликтната средина и за забрзување на напорите за развој.
Пакетот за поддршка го вклучува периодот од 2024 до 2027 година.
