Отава Ситизен напиша дека началникот на штабот на канадската одбрана, генерал Вејн Ејр, „одби да се извини за неговите овации“ за Јарослав Хунка од СС дивизијата одговорна за лов на антинацистички партизани, масакрирање на илјадници цивили и спалување на стотици живи полски селани.
Нацисти не се далечна тема за генерал Ејр. Тој ги има обучувано, оние денешните, во Украина. Во 2017 година, украинскиот баталјон Азов на својата веб страница објави фотографии од нивниот состанок со високи канадски воени претставници, кои пристигнаа во Украина за да помогнат во обуката на познатата неонацистичка единица, која беше официјално инкорпорирана во Украинската национална гарда.
Една година подоцна, Азов објави фотографии од средба со канадскиот воен аташе, полковникот Брајан Ирвин. На прашањето од новинарот Аса Винстанли, канадскиот воен портпарол ја оправда обуката на наци-батаљонот дека сесијата вклучувала „тековен дијалог за развој на разновидна и инклузивна Украина“.
Само четири месеци пред руската инвазија на Украина, Центарот за студии на холокаустот „Пријатели на Симон Визентал“ испрати писмо до генералот Вејн Ејр и министерот за одбрана Харџит Сајан, барајќи истрага за прашањето дали се обучуваат украински нео- нацисти. Ако се обучуваат, да се престане со тоа.
„Ако Канада веќе обезбедува воена обука за странски сили, наша одговорност е да знаеме дека не обучуваме неонацисти“, рече Хаиме Кирзнер-Робертс од Центарот. „Тоа е наша обврска кон канадските ветерани кои жртвуваа многу за да се победи фашизмот во Европа“.
Таквите предупредувања, не само што не биле послушани, туку програма за тренирање била унапредена. Канада инвестираше дополнителни 1,6 милијарди американски долари во вооружување и инструкции на војската на Киев.
На мергините на посетата на Зеленски, Отава одобри дополнителни 483 милиони американски долари за помош и обука за борбени авиони Ф-16.
Канадската шема за испраќање оружје во Киев и обука на украинските сили официјално започна во 2014 година, само неколку месеци откако антируските сили ја соборија демократски избраната влада на Виктор Јанукович во државен удар поддржан од американската влада. Под покровителство на „Операцијата УНИФИЕР“, повеќе од 33.000 украински војници добија „напредна борбена инструкција од канадски офицери“, објави лани канадската државна CBC.
И покрај напорите Азов да се испере од нео-нацистичките елементи, батаљонот го задржа својот водач Андреј Билецки, кој еднаш ја опиша улогата на Украина на глобалната сцена „да ги води белите раси во последната крстоносна војна … против подлуѓето предводени од Семитите“.
ИЗВОР: off.net.mk
