МОСКВА (АА) – Русија денес соопшти дека спречила украински напад врз Белгородската Област со уништување на повеќе ракети во воздух, пренесува Анадолу.
„Нападот врз руски објекти со украинскиот систем на повеќеракетни лансери „Ураган“ е спречен околу 03:45 часот по московско време“, се вели во соопштението на руското Министерство за одбрана.
Се додава дека руските системи за противвоздушна одбрана во Белгородската Област, на речиси 40 километри северно од границата со Украина, уништиле девет ракети.
Украинските власти досега не се огласија за нападот, а независната проверка на тврдењата на Русија е тешка поради тековниот конфликт.
