Погледнете го новото магазинско издание на емисијата „360 степени“ емитувано на 28 септември 2023 г. на МРТ 1
Во ова издание:
– „360 степени“ во посета на областа Гора на Косово која е цел на кампањата на Софија во пресрет на тамошниот попис; Наспроти тврдења за 15 илјади Бугари на Косово, наидовме на затворен бугарски клуб и мештани кое за себе велат дека зборува нашински односно македонски јазик;
– Директорот на Националниот парк „Шар планина“ сам ги брои дивоградбите зашто општините не соработуваат – избројал 796 дивоградби од кои 436 на државна земја;
– Договорот меѓу државата и кинеската компанија „Синохидро“ за изградба на автопатот Кичево – Охрид за два месеца ќе наврши една деценија од потпишувањето; Среде тажната приказна за доцнења и одложувања најдовме светла точка – млад инженер од Демир Хисар е изведувач на најдолгиот распон меѓу два столба на вијадукт во земјава;
– 181 пациент на листата за чекање за трансплантација на орган – дали и оваа сфера пати од македонската пракаса на фаќање врски и какви се искуствата на дел од оние што добиле нов орган, а со тоа и нов живот;
– Нова „Саботажа“.
ИЗВОР: 360stepeni.mk
