ТАШКЕНТ (АА) – Едно лице загина, а 163 се повредени во експлозија што се случи во складиште на компанија во Ташкент, главниот град на Узбекистан, пренесува Анадолу.
Министерството за вонредни ситуации на Узбекистан соопшти дека сѐ уште не е утврдена причината за експлозијата.
Противпожарните екипи се на терен, а звукот од експлозијата можел да се слушне во многу делови на Ташкент.
Министерството за здравство соопшти дека во експлозијата загинало едно лице, а 163 се повредени.
Оттаму потврдија дека 24 лица се хоспитализирани, а на останатите им била укажана помош на местото на настанот.
