Уште колку нацисти држи Канада како угледни граѓани?

September 27, 2023
1 min read

Полскиот министер за образование и наука најави дека се преземаат мерки за можно испорачување на 98 годишниот нацист Јарослав Хунка  кој на седница на канадскиот парламент на која гостин беше Владимир Зеленски, беше поздравен со стоечки овации како „украински и канадски херој“.

„Со оглед на скандалозните случувања во канадскиот парламент со оддавањето почести за член на злосторничката нацистичка формација СС Галиција , преземав чекори за екстрадиција на ова лице на Полска“, обелодени Пшемислав Чарнек.

Истовремено, полскиот амбасадор во Канада Витолд Дзиелски побара луѓе како Хунка, не само да не учествуваат во јавниот живот туку и кривично да бидат гонети.

Се поставува прашањето како Хунка цели 70 години успевал да ја крие својата биографија и да стане „угледен граѓанин“ и уште колку луѓе со такво педигре вдомува Канада во која постои украинска дијаспора од 1,3 милиони луѓе.

„Славејќи доброволец во Вафен-СС како „херој“, канадската Либерална партија ја потврди долгогодишната политика со која Отава пречекуваше илјадници повоени нацистички СС ветерани“ вели Макс Блументал.

Тој потсетува и дека втората најмоќна политичарка во Канада, вице премиерката Кристија Фриланд, е внука на еден од главните украински пропагандисти на нацистичка Германија.

Пролетта 1943 година, Јарослав Хунка беше „гуштер“ во 14-та дивизија на Вафен-СС Галиција, кога таа дивизија ја посети архитектот на геноцидната политика на нацистичка Германија, Хајнрих Химлер. Откако го благослови формирањето на баталјонот, Химлер бил видно горд на Украинците кои доброволно се пријавија да го поддржат Третиот Рајх.  80 години подоцна, претседателот на канадскиот парламент, Ентони Рота, исто така гордо го поздрави Хунка.

Во специјален документарец „60 минути“ од 1997 година, се зборува за „Валканата тајна на Канада“.

Историчар се сеќава како Пјер Трудо (татко на Џастин Трудо) му признал дека неговата влада ги криела нацистичките злосторници и документира како украинските и балтичките имигранти добивале инстантно канадско државјанство „со покажување на тетоважа на СС“, што било доказ дека се антикомунисти.

„Инцидентот во секој случај не беше гаф. Пред да се слави Хунка, владата и војската на Канада им дадоа дипломатска поддршка на фашистичките хулигани кои се бореа да воспостават националистичка влада во Киев и ја надгледуваа обуката на современите украински воени формации отворено посветени на унапредувањето на нацистичката идеологија“, пишува Блументал.

Како требаше да биде поздравен Хунка:

Оставката на спикерот Ентони Рота:

ИЗВОР: off.net.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Претставата „ЏИНче“ утре во театарот „Сенки и облаци“

Следно

Убиството во Кочани да се третира како последица на долгогодишно насилство и да се одреди највисока казна за сторителот, бара Националната мрежа против насилство

Latest from Blog

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна

Македонија меѓу земјите со важни наоѓалишта на критични минерали, ЕУ ја препознава стратешката вредност на бакарот

Нова анализа на Институтот за безбедносни студии на ЕУ го издвојува Западниот Балкан како важен регион за идното снабдување со минерални суровини Македонија располага со значајни наоѓалишта на критични минерали кои можат

Николоски: Брзата пруга на Коридорот 10 ќе добие современ систем за управување со возовите

Вештачката интелигенција веќе не е само теорија или технологија на иднината,  тоа е нешто што се случува околу нас.  Таа е голема можност која треба да се искористи. Како Влада создаваме правна
Go toTop