Погледнете го новото издание на емисијата „360 степени“, емитувано на 25 септември 2023 г. на МРТ 1, во кое гостуваат потпретседателот на ВМРО-ДПМНЕ, Александар Николоски, и вицепремиерот за европски прашања, Бојан Маричиќ
Во првото интервју, потпретседателот на ВМРО-ДПМНЕ, Александар Николоски, сподели материјали за кои тврди дека се дел од тајна комуникација меѓу поранешниот претседател на ВМРО-ДПМНЕ, Никола Груевски, и лидерот на ДУИ, Али Ахмети, претседателот на парлажентот, Талат Џафери, и уште едно лице. Притоа, Николоски покажа уесбе, за кое тврди дека е она што деновиве го спомнуваше лидерот на неговата партија, Христијан Мицкоски, а со „360 степени“ сподели и три испечатени страници А4-формат за кои вели дека се содржината од уесбето.
Во второто интервју, вицепремиерот Бојан Маричиќ вели дека театарот што го прави ВМРО-ДПМНЕ околу овој случај не може да го покрие нивното долгогодишно учество во разговорите на оваа тема, а материјалите кои ги приложил потпретседателот на ВМРО-ДПМНЕ, Александар Николоски, со некакви наводи дека измените на Кривичниот законик се своевиден договор помеѓу Груевски и власта, е смешно бидејќи кој било може да седне и да го напише тоа.
На крај е и нова Саботажа.
ИЗВОР: 360stepeni.mk
