ЏЕКСОНВИЛ (АА) – Трогодишно дете и две возрасни лица се убиени доцна синоќа во станбен комплекс во Флорида за време на кавга која избувнала околу продажба на куче, соопштија властите, пренесува Анадолу.
Помошникот на шефот на канцеларијата на шерифот на Џексонвил, Џ.Д. Стронко, за новинарите изјави дека пет лица, вклучувајќи и едно дете, заминале во еден луксузен апартмански комплекс во саботата околу 22 часот по локално време, за да се состанат со некои лица во врска со продажба на куче.
Стронко соопшти дека притоа дошло до кавга, во која било користено и огнено оружје. Три лица смртно настрадале, а едно возрасно лице е рането. Сведоците на полицијата и изјавија дека двајца мажи избегале со автомобил.
Стронко информираше дека двајцата убиени и ранетото лице биле на возраст од 20 години.
