ТУЛКАРЕМ (АА) – Израелските сили убија двајца Палестинци за време на рацијата спроведена во бегалскиот камп Нур Шамс во окупираниот Западен брег, пренесува Анадолу.
Претставници на локалните болници информираа дека Палестинците загинале за време на рацијата што израелската војска ја извршила во кампот во градот Тулкарем.
Очевидците сведочеа за вооружениот судир меѓу палестинските жители и израелските сили, при што војниците со булдожери ги оштетувале улиците во кампот и палестинските возила.
Според официјалната новинска агенција WAFA, убиени се 21-годишен и 32-годишен Палестинец.
Израелската војска сѐ уште не се огласи во врска со настанот.
