МОСКВА (АА) – Украина денес извршила ракетен напад врз штабот на руската Црноморска флота во градот Севастопол на Крим, соопштија властите, пренесува Анадолу.
„Непријателот изврши ракетен напад врз штабот на (Црноморската) флота. Фрагмент падна во близина на театарот Луначарски“, соопшти гувернерот на Севастопол, Михаил Развозаев, преку Телеграм.
„Службите за вонредни состојби се на местото на нападот, се собираат информации за жртви“, додаде тој.
„Можен е уште еден напад. Ве молиме не одете во центарот на градот. Не напуштајте ги објектите. Сите што се во близина на штабот на флотата, на звукот на сирената, одете во засолништата“, порача Развозаев.
Медиумите објавија дека голем број амбуланти возила се упатиле кон местото.
