СУЛЕЈМАНИЈА (АА) – Канал со широчина од половина метар, во округот Бијаре, во Сулејманија, во североисточниот дел на Ирак, ја одредува границата со Иран, известува Анадолу.
На ова место во кафулињата се среќаваат семејствата од двете земји. Меѓу нив нема граничен премин, ниту контролен пункт.
Чајот што се подготвува во кафулињата кои се наоѓаат во пограничниот регион на градот Сулејманија, им се нуди на гостите од двете страни на границата.
Кафулињата поставени околу водениот канал кој ја одредува границата во округот Бијаре, претставуваат извор на приход за локалните трговци.
Ребвар Салих Хеме Хусејин, сопственик на кафулето „Ирак и Иран“, бил домаќин на туристи од други земји, како и на гости од Ирак и Иран.
„Моите гости доаѓаат од двете страни на границата. Ирачаните сакаат да пијат чај на иранската територија. Ова е место каде нема контролен пункт, граничен премин или знаци, освен каналот за вода кој ја означува границата, што ги воодушевува туристите“, рече Хусеин.
