РИМ (АА) – Петмина работници ги загубија животите во железничка несреќа во Италија, известува Анадолу.
Локалните медиуми објавија дека во текот на ноќта воз удрил во работниците што работеле на одржување на пругата во близина на железничката станица Брандицо, на пругата Торино – Милано.
Потврдена е смртта на пет лица.
Во веста се наведува дека во моментот на несреќата возот се движел со брзина од 160 километри на час.
Обвинителството на градот Ивреа започна истрага во врска со несреќата. Во рамките на истрагата ќе биде сослушан и машиновозачот на возот што ги удри работниците.
Заменик-премиерот на Италија и министер за сообраќај и инфраструктура, Матео Салвини, ја опиша несреќата како страшна трагедија и им изрази сочувство на семејствата на загинатите работници.
