Канада: Во поранешно резиденцијално училиште пронајдени 93 гроба на деца и бебиња

August 30, 2023
1 min read

ТРЕНТОН (АА) – Радар што продира под земја пронајде 79 гробови за кои се смета дека им припаѓаат на деца и на 14 бебиња во поранешното индијанско резиденцијално училиште „Бовал“ во канадската провинција Саскачеван, соопшти организацијата на автохтони жители „English River First Nation“, пренесува Анадолу.

„Ова не е конечна бројка. Ми се крши срцето што веројатно има уште повеќе“, рече челничката на Прва нација, Џени Волверин, за време на прес-конференцијата во Саскатун, објави „Си-ти-ви њуз“ (CTV News).

Потрагата по гробови започна пред две години, во август 2021 година. Волверин рече дека со потрагата се започнало поради историските приказни пренесувани низ времето.

„Не бевме сигурни што да очекуваме и што ќе најдеме. Но, ги знаевме приказните што се споделуваа со генерации за третирањето на учениците, како и на оние ученици кои никогаш не се вратија дома“, рече таа.

Волверин истакна дека наоѓањето на гробниците го означува почетокот на едно „долго и тешко патување“.

„English River First Nation“ се лоцирани во северниот дел на Саскачеван, а резиденцијалното училиште за домородни деца „Бовал“ е отворено таму во 1860 година. Со интернатот раководеше Римокатоличка мисија сè до 1969 година. Училиштето официјално се затвори во 1983 година кога беше дадено на домородната групација „10 Meadow Lake Bands“, во кои спаѓа и „English River First Nation“. Училиштето беше урнато во 1995 година.

Откривањето на сомнителни гробници не е прва трагедија во училиштето. Во 1927 година во пожар загинале 19 момчиња и еден учител, според Универзитетот „Регина“, во Саскачеван.

Комисијата за откривање на вистината ги објави приказните на преживеаните, меѓу кои и онаа за „момчињата кои биле фатени како фрлаат снежни топки и биле казнети со удари во рацете од сечилото на стап за хокеј“. Мервин Мирасти, еден од преживеаните, пак, пред Комисијата посведочи дека и тој и неговиот брат биле сексуално злоупотребувани.

Во 2013 година, поранешен надзорник во училиштето беше прогласен за виновен за напади врз момчиња во периодот од 1959 до 1967 година, објави телевизиската мрежа, а надзорникот е условно пуштен на слобода во 2016 година.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). .

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Шефот на НАТО и украинскиот министер Кулеба разговараа за воена поддршка на Киев

Следно

ВИДЕО: Алиоски го одигра последниот натпревар за Ал Ахли, навивачите го поздравија со овации

Latest from Blog

Коњановски: Во 2027 година се планира пуштање делница од 12 километри на автопатот Прилеп–Битола

Делница од 12 километри од автопатот Прилеп–Битола е планирано да биде пуштена во сообраќај во 2027 година, а до крајот на 2028 година да бидат асфалтирани вкупно 28 километри. Ова било најавено

Проданоски: Потенцијалот на младите да го претвориме во дела за Прилеп

Повеќе од 200 млади од Прилеп учествуваа во симулација на Европскиот парламент, преку која се запознаа со функционирањето на европските институции, носењето одлуки и значењето на демократската дебата. Градоначалникот Дејан Проданоски ја

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во
Go toTop