Брачен пар и деветгодишно девојче загинаа во сообраќајка кај Златибор, за живот се бори уште една малолетничка

Според првичните информации, брачниот пар на 65 и 66-годишна возраст и двете малолетни девојчиња се возеле во автомобил марка „шевролет” кога на магистралниот пат Ужице – Златибор, на Ложионскиот мост во Ужице, возачот на автомобилот излегол од колоната и преминал на спротивната страна, по што се судрил со цистерна

Тешка сообраќајна несреќа помеѓу патнички автомобил и цистерна се случи утринава околу 8 часот на патот Ужице – Златибор во Србија.

Во несреќата, како што јавуваат српските медиуми, загинаа брачен пар на 65 и 66-годишна возраст и деветгодишно девојче. Брачниот пар загинал на самото место, а девојчето им подлегнало на повредите во болница. Во животна опасност е уште едно девојче на 11-годишна возраст, кое е пренесено во болница.

Според првичните информации, четворицата се возеле во патничко возило марка „шевролет” кога на магистралниот пат Ужице – Златибор, на Ложионскиот мост во Ужице, возачот на автомобилот излегол од колоната и преминал на спротивната страна, по што се судрил со цистерна.

Полициски екипи вршат увид на местото на несреќата.