ЊУЈОРК (АА) – Уште трае акцијата за пребарување и спасување по шумскиот пожар кој на 9. август ги зафатија Хаваи, известува Анадолу.
Официјалните претставници на округот Мауи ја споделија информацијата дека 338 луѓе и понатака се водат за исчезнати.
Надлежните наведоа дека вчера успеале да дојдат до уште 1.732 лица кои се наоѓале на подрачјата зафатени од пожарот, информирајќи дека нивната состојба е добра.
Џон Пелетиер, шеф на полицијата на Мауи, изјави дека имаат листа на исчезнати лица.
Листата за која се вели дека е подготвена со поддршка на претставници на Федералното истражно биро (ФБИ), ја открива големината на катастрофата и е најголема листа на жртви во регионот по шумскиот пожар минатото столетие.
Официјална бројка на загинати во шумските пожари на Хаваи изнесува 115.
Претседателот Џо Бајден ги посети Хаваи на 22. август и вети помош.
