“Ако мислите дека Германија е ефикасна држава со доверливи институции, најверојатно не живеете овде“, пишува Вилијам Глукрофт за Дојче Веле. „Од несигурна патничка железница до долго чекање за јавни услуги, премалку термини за прегледи на лекари и недоволно места во предучилишните установи, германските институции изгледаат сè повеќе неспособни да ги задоволат секојдневните потреби на населението што го опслужуваат“.
Тоа не останува незабележано од пошироката јавност. Само 27% од луѓето во Германија имаат чувство дека државата може да ги исполни своите обврски, вели последното истражување на германската федерација за државни служби која тоа го прави еднаш годишно.
27-те посто доверба во ефикасноста на институциите е огромен пад во однос на пандемиските години кога довербата изнесуваше 56% и 45%.
„Резултатите се алармантни. Очигледно е што јавноста очекува: институциите да ги исполнуваат нивните обврски и да им служат на граѓаните,“ вели првиот човек на државната бирократија.
Германците очекуваат лидерство и јасни дирекции, нешто што недоволно го гледаат кај Олаф Шолц кој не успева да ги пополни чевлите на претходничката, Ангела Меркел.
Довербата кон Шолц е околу 43% што е најниско ниво до сега. Ако му е малку, нека се теши со Стево.
ИЗВОР: off.net.mk
