КАРТУМ (АА) – Суданската управа за цивилно воздухопловство повторно го отвори воздушниот простор во источниот дел на земјата за воздушен сообраќај, пренесува Анадолу.
Властите доцна синоќа соопштија дека повторно го отвораат „суданскиот воздушен простор за воздушниот сообраќај на источните рути на земјата“.
Алтернативен центар за воздушна навигација е основан во градот Порт Судан на истокот на земјата.
Воздушниот простор на Судан првпат беше затворен во средината на април поради судирите меѓу Армијата и Силите за брза поддршка кои ја опустошија земјата.
