Министрите за надворешни работи на Обединетите Арапски Емирати (ОАЕ) и Кина телефонски разговараа за начините за подобрување на билатералната соработка меѓу нивните земји, објавија локалните медиуми, пренесува Анадолу.
Телефонскиот разговор меѓу шеикот Абдула бин Зајед бин Султан Ал Нахјан и Ванг Ји, кој ја презеде функцијата пред само 10 дена, го привлече вниманието на 40-годишнината од дипломатските односи меѓу двете земји, според емиратската новинска агенција (ВАМ).
Годишнината ќе се прослави во 2024 година, забележа агенцијата, додавајќи дека Ал Најхан ги пофалил „добро вкоренетите и стратегиски односи“ на неговата земја со Кина.
Ванг беше назначен на функцијата по разрешувањето на Чин Ганг на 25 јули по неговото едномесечно отсуство.
Извор: www.aa.com.tr
